God søndag, fine følgjarar. 🫶 I dag blir det endeleg SOL og opp mot 20 grader, ei god anledning til å: ☀️ Besøka idylliske Årbakka Handelsstad (biletet) ☀️ Eta god mat og nyta sjøutsikta hos Mandelhuset eller E.H. Vaage ☀️ Gå til Tysnessåto (eller ein annan fin tur) og kjøpa pizza på Myrdal gard etterpå ☀️ Nyta ein softis på bryggekanten i Våge ☀️ Ta med barn/barnebarn til f.eks Kjevikjo i Uggdal eller Klubben på Tveit for å leita etter krabbar og anna liv i strandkanten Skulle du hatt noko på butikken? Hugs at Extra og Spar i Våge har søndagsope i alle dei tre sommarmånadane. 😊 Og hos Nærbutikken Bruntveit på Reksteren kan du handla mellom 07 og 23 kvar dag heile året (sjølvbetening når det ikkje er tilsette i butikken). Ha ein fin dag! ❤️

⚽ VM-feber på Tysnes! ⚽ Enten du er fotballinteressert sjølv eller kjem til å trenga ein pause frå nokon som er det (me veit det er flest kvinner som ser innlegga våre 🤭), så har me gode nyheiter. 👇 Den store meisterskapen er no sparka i gang, og fram til 19. juli kan folk dela spenninga saman med andre på Mandelhuset og i teltet på E-brygga i Våge. 📺😀 Baren har alle rettar, og kjøkenet på Mandelhuset serverer sjølvsagt god mat på kampdagane. 🍔 Her blir det stemning! Under Tysnesfest 9.-11. juli blir kvartfinalane viste i eige VM-område på Gjerstad Arena. Så her skal ingen måtta gå glipp av viktige øyeblikk (verken på skjermen eller på scenen). 🥳 Arrangør er Kulturkontoret, Mandelhuset og Våge gjestehamn. Sjå kampoversikt og billettar hos Mandelhuset. 🎟️ Kven bør vita om dette? 😎

Etter fem år som Tysnes gjev meirsmak på sosiale medium har me no døypt oss om til Visit Tysnes. 🎉 Tysnes gjev meirsmak blir med vidare som eit slagord – det er ein viktig del av identiteten vår. 💙 Samstundes såg me behovet for eit namn som er enklare å uttala og naturleg å søkja etter for dei som ønskjer å besøka oss. 🔎 Namnet er nytt, men innhaldet blir som før. Me skal halda fram med å tipsa dykk om arrangement, turmål, serverings- og overnattingsstader, opningstider, badeplassar, gøymde perler og alt anna du treng vita for å nyta Tysnes. 🌿🌊✨ Takk til alle som liker, kommenterer og deler innlegga våre, det set me stor pris på. 🙌 📸 Varde Film

Tida flyr – om berre éin månad brakar det laus! 🎉 Det er faktisk på høg tid å begynna å gleda seg no. 😍 På programmet står konsertar (sjølvsagt), Tysnesfest UNG, tivoli, Såto Opp, palleløp, Gå Planken, marknad, bluescruise, zoologisk parkeringsplass og mykje meir. 💃🎪🐐 Du kan synga med, dansa, heia, konkurrera, handla eller berre nyta festivalstemninga med ei bakt potet i hendene. 😎 Snikra saman dei festivaldagane som passar for deg og dine. Har du sikra deg billettar til sommarens storhending? 🎟️ Du finn alt du treng vita på tysnesfest.no. 📸 Bilde frå fjorårets fantastiske TF: Martin Litwicki, Steffen Vidar Jenssen og Jakob Tønnesen

🌼 Velkomen, juni 🌼 Den første sommarmånaden er her, og Tysnes gjer seg klar for ei tid fylt med ekstra mykje liv, glade feriegjestar og eit hav av aktivitetar og matopplevingar å velja mellom. 😁 ℹ️ Forvent mange gode tips frå oss i vekene framover. I mellomtida kan du drøyma deg vekk i desse sommarlege bileta frå tidlegare år. 🌞

Algeoppblomstringa i sjøen sett frå fugleperspektiv. 💙🦅 Tysnes kler dette naturfenomenet godt, eller kva? 😍 Dei første tre bileta er frå Onarheimsbygda, dei siste tre frå Drangsvågen, Kongsvik/Langenuen og Søreidsvågen. 📸 Øystein Vaage

Rundar av ein flott nasjonaldag med dette grøne og skjønne bildet frå Lunde, der flagget har vaia stolt på Varhaugen. 🇳🇴 Håpar alle har hatt ei fin 17. mai-feiring! ❤️ 📸 Øystein Vaage

Hugs sesongopning på Årbakka Handelsstad neste laurdag, 23. mai kl. 12.00-16.00. 😍 Det blir nye kunstutstillingar i Sjøbua, marknad på kaien, vaflar i Krambua og alt som høyrer til denne nydelege plassen. ❤️ Handelsstaden er open også 1. og 2. pinsedag. Deretter blir det som vanleg ope laurdag-søndag heile sommaren. Berre å gleda seg. 😊 📸 Øystein Vaage

Skal du feira 17. mai på Tysnes? 😀 Då vil me gjerne tipsa deg om at: 🇳🇴 Du kan starta dagen med ein fin og stemningsfull frukost på OnarTun, der Onarheim og Tveit bygdalag lagar til ein nydeleg frukostbuffe. Obs, påmelding innan 10. mai. 🇳🇴 Vakre og herskapelege Haaheim Gaard har ope for lunsj og middag. Dagens tre-rettar blir pastinakk- og eplesuppe, ytrefilet av lam og surmjølkspudding. 🇳🇴 E.H. Vaage har ope med sal av smørbrød og kaker. Badstu og jacuzzi (nytt tilbod) er også ope for booking. 🇳🇴 Mandeluset ladar opp til nasjonaldagsfeiring med besøk av musikaren Tony M. 16. mai. 17. mai har dei tradisjonen tru ope hus med god stemning og lekker mat. I tillegg til den vanlege menyen byr dei på rømmegraut og ein herleg tre-rettar. 📅 Meir info om alt dette + program for feiring i bygdene finn du i kalenderen på visittysnes.no. 📸 @kongsviks 😍

I tilfelle nokon lurer: Det er klar bane frå Myrdal til Tysnessåto. 😁 🍕 I same slengen passar det fint å minna om at Myrdal gard no har ope laurdag-søndag kl. 12.00-18.00. God tur! 🥾 📽️ Øystein Vaage

No har me gått inn i mai månad – og med det kjem faste opningstider hos @tveitakjerring. 🐐🧀🌿 Gardsbutikken hennar er kanskje den minste i Noreg – men smakane du får med deg heim er alt anna enn små! 😀 👉 Ope torsdag til søndag kl. 10.00–19.00. Denne helga kan du få tak i: • "JENS’N" – ein godt moden kvitost (7 mnd) • "MJUK KJERRING" – ferskost Neste helg kjem salatosten "TVEDTA" i butikken, og mot 17. mai blir "SKODDA" (camembert) salsmoden. Ta turen til Tveit og støtt ein dyktig småskalaprodusent som me er svært glade for å ha på øya vår. 🥰 Har du ein favoritt-ost hos Tveitakjerring? Del gjerne i kommentarfeltet. 👇 #lokalmat#tveitakjerring#geitost#visittysnes

Du har kanskje høyrt rykte om dei gode kanelflettene som blir selde på Meirbruk i Våge dei fleste laurdagar? Her er den blide og flinke dama som står bak! 🥰 Nicole driv det vesle firmaet Heimalaga av Robles frå huset sitt i Myrdal, og i tillegg til å ha utsal av bollar på Meirbruk tek ho imot bestillingar frå både privatpersonar og bedrifter. 👌 Det kan vera bakverk til konfirmasjon, bursdag, fest eller rett og slett til å ha på lur i frysen. Hos Nicole kan du til dømes bestilla brød, rundstykke, bollar og kaker. 🍞🍰 Ho likar å eksperimentera med ulike krydder og fyll, så om du har eit ønske litt utanom det tradisjonelle, tek ho utfordringa på strak arm. 💪 Gjennom året lagar ho sine eigne smaksvariantar av bollar etter sesong, frå påskebollar med appelsin og sjokolade om våren til peparkakebollar i desember. Alltid med rause mengder av dei råvarene som gjer bakverka saftige og ekstra smakfulle. 🤤 Kommenter gjerne om du allereie har smakt noko av det Nicole bakar. ❤️ 👉 @heimalaga.av.robles

Finaste utsikta på Tysnes? 💙 Dette var synet som møtte @ole.magnus_aasheim (📸) og hans firbeinte turkamerat på Hovlandsnuten i dag. 😍 Snakk om løn for strevet. Det ligg framleis snøflekkar i fjellet, men fotografen kan melda om fine turforhold og bar sti heile vegen frå Årbakka og opp (via Svinadalen). 🥾 Vil du også oppleva denne fenomenale utsikta – no eller seinare i år? ☀️ Du kan lesa meir om Hovlandsnuten som turmål på visittysnes.no/hovlandsnuten.

Når kvitveisen lyser opp som små soler på skotbotnen – då er det skikkeleg vår. 🥰 Desse bileta er tatt på Solstråleøya eit tidlegare år, men me tippar det ser nokså likt ut der no. 😀 Vurder gjerne ein tur dit denne veka viss du har ei form for flytande farkost, det er strålande vêr så langt meldingane rekk. 🛥️☀️🛶

Tid for lauvsprett. 🌿 No har me den finaste tida framfor oss. 🥰 Me ønsker alle ei god helg! Hugs å kikka innom visittysnes.no viss du lurer på kva som skjer på øya, eller viss du treng inspirasjon til ting å finna på. 😊 (Biletet er frå eit tidlegare år)

✨ "Latter som siste forsvar" – standup med husfar Torstein på Haaheim 🎤 Tør du gå glipp av dette? 👀 Fredag 17. april og laurdag 18. april tek Torstein Hatlevik for seg det usminka vaksenlivet. Han snakkar om forventningar som gjekk ut på dato og draumar som ligg i ei skuff saman med ladarar ein ikkje tør kasta. Det handlar om å vera "husets overhovud" utan hovud, om nederlag og kvardagsleg forfall – framført med ein god dose sjølvironi, litt bitterheit og null behov for å verka vellukka. 😉 For som han sjølv seier: Ein skal ikkje la sanninga stå i vegen for ei god historie. 🤣 I tillegg til ein skikkeleg latterfest, byr hotellet på tre- og femrettars middag. 🍽️ Info om prisar og tidspunkt finn du i Haaheim sine kanalar og i kalenderen på visittysnes.no. Til slutt: Ikkje tenk for lenge viss dette var forlokkande, bordseta byrjar å fylla seg opp. 🔥 Det er (i skrivande stund) mest ledig kapasitet fredag.

Kven vil du ha med deg til Tysnessåto i sommar? 😎 🥾

🥾 Påske-turtips: Visste du at om du skriv namn og kontaktinformasjon i boka på Steinåsen på Malkenes innan påskeaftan kl. 18, så er du med i trekninga av eit påskeegg frå Tysnes Turlag? 🐣 Ikkje kjent? Du finn omtale av denne og mange andre fine turar under fana "turmål" på visittysnes.no. 😊

Årets vekslande og småkalde påskevêr rår me ikkje over. 🌦️ Men me kan jo minna deg om moglegheita til å bli varm og god i ei badstove, og det faktum at du no har to alternativ å velja mellom: E.H. Vaage Damp & Bad og Tysnes Fyrstove. 🔥 🩳 Førstnemnde ligg ved Haaheim sin koselege landhandel i sjøkanten i Uggdal, og der er det ope for smørbrød, kaker og sjokolade frå onsdag til søndag i påskeveka. 🍰 🩱Tysnes Fyrstove ligg som eit smykke i Våge hamn – berre ein kort spasertur unna gode matopplevingar på Mandelhuset. 🍽️ Restauranten er open frå onsdag til og med 2. påskedag, med alt frå hjortegryte til tilslørte tysnespiker på menyen. Freistande? Du finn meir info om dei to sauna-alternativa under "Aktivitetar" på visittysnes.no. 😊

Kjekt å kunna seia at både Fru Aarvik og Myrdal gard har sesongopning DENNE veka. 😍 📌 Fru Aarvik/Aarvik gard opnar på fredag, og har ope heile påska utanom måndagar. Det har kome nye, søte kje til verda, og i kafeen blir det som alltid eit variert utval av velduftande og freistande bakst. 🍞 Kanskje nokre nyheiter, ryktast det? 😋 📌 Myrdal gard opnar på laurdag, og har ope kvar dag til og med 2. påskedag. Pizza is always a good idea! 🍕 I tillegg bognar det av ost, iskrem og anna godt i skapa. Reserver gjerne bord for å vera sikra plass. 📞 👋 Tips gjerne ein ven som bør vita om dette. 🫶 ℹ️ Du finn nærmare info om opningstider i kalenderen på visittysnes.no

No er det berre fire månader igjen til Tysnesfest 2026 brakar laus. ⏳ Hugs å spørja sjefen om fri om du ikkje har gjort det allereie. 😎 9.-12. juli er datoane du kan merka av i kalenderen. 💃 📸 Martin Litwicki og Steffen Vidar Jenssen

💙 Årets viktigaste tur(ar) 💙 Frå måndag 9. mars til søndag 15. mars gir Alsaker Fjordbruk 100 kroner til Kreftforeningen for kvar registrerte tur til Blåbærhaugen. 😊 Det er i år 10. gong det lokale oppdrettsselskapet støttar kreftsaka på denne måten. Kven vil du gå med? 💪 Tagg gjerne ein ven eller tre i kommentarfeltet. 📍 Ikkje kjent? Blåbærhaugen 297 moh er eit turmål på Onarheim som passar for dei aller fleste, ettersom det er grusveg heile vegen. På toppen blir du løna med ei fantastisk utsikt mot Onarheimsfjorden og Kvinnherad. Start er ved parkeringsplassen på veg til Storesætre - få minutts køyring frå OnarTun. God tur 😁

Edit: Kurset er no fullteikna Lyst til å læra kunsten å laga lefser? 😊 Fredag 27. mars har du sjansen til nettopp det, når Tysnes Bygdekvinnelag inviterer til kurs i Tinghuset i Uggdal. Me tør garantera trivelege og lærerike timar saman med kvinner som brenn for å halda gamle tradisjonar i hevd. ❤️ Sjå påmeldingsinfo i kalenderen på visittysnes.no.

Etter ein velfortent vinterpause opnar @mandelhuset restauranten igjen fredag 27. februar, med ny meny og mange gode grunnar til å samlast rundt borda. 😄 Fram mot sommarsesongen blir det som vanleg ope torsdag-søndag. 🍽️ Laurdag er det konsert med Jan Eggum – ein folkekjær artist som alltid lagar god stemning når han besøker Mandelhuset. 🎵 Det er få billettar att, så ver rask om du vil sikra deg plass. 😊 Fredag 6. mars er det duka for "Ladies night" - ein kveld for fellesskap, inspirasjon og latter. Stor suksess i fjor, og blir nok minst like bra i år. 💃 Obs, påmelding til Tysnes Frivilligsentral innan 4. mars. Helga etter, laurdag 14. mars, legg Bjørn Tomren soloturnéen sin innom Mandelhuset og byr på alt frå religiøse folketonar og strupesang til jazz og jodling. Også denne konserten er det få billettar att til. ⏳🔥 Dette er berre starten, ingen tvil om at Mandelhuset også i 2026 blir ein av dei viktigaste møteplassane på Tysnes. ❤️ Du finn meir info om komande arrangement i deira kanalar eller på visittysnes.no.

Oppdatert: Onarheim IL melder om flotte forhold også laurdag! 👌 ⛷️ Ut av bilen og rett i skisporet - slik ser det ut ved parkeringsplassen i Solheimsdalen for tida. Men ver om deg no om du er skiglad, forholda KAN bli øydelagde i helga, då det er meldt regn igjen etter gamalt. I dag (torsdag) og første del av fredag ser veldig bra ut vermessig. 😊 Det er lys i løypa til kl. 22 om kvelden. 📸 Onarheim IL

Frå barfrost i går til winter wonderland over natta. Her er ei lita snøhelsing frå Malkenes. ❄️ ❤️

🐑 Nysgjerrig, fin gjeng i Lunde, med Tysnessåto i bakgrunnen. ❤️

⛸️ Det er mange vatn på Tysnes som er trygge no, men her er tre av dei som ligg lettast tilgjengeleg. ☺️ Isen er målt tjukk og trygg på samtlege vatn, men hugs alltid å halda avstand til elveutløp. God fornøyelse! ‼️ Gjeld slutten av januar/byrjinga av februar 2026.

Fossane ovanfor Skaret er forvandla til ein nydeleg isskulptur. ❄️ Og med meir kulde i vente, blir han truleg ståande slik ei god stund framover. ☺️ Ta turen om føremiddagen viss du vil sjå fossen i sol. 🌞

Kyrkjefjellet i dag, søndag 25. januar. ☺️❄️🌞 Her ser ein rett bort på majestetiske Hovlandsnuten. 😍 Litt snø og is på delar av turen, men det går greitt å gå med vanlege fjellsko. Håper du har hatt ei fin helg! ❤️

🎊 Hurra for Haaheim Gaard! 🏆 Me veit at mange av dykk var med og stemte – og no kan me endeleg jubla. 🎉 Haaheim Gaard har nemleg vunne inspirasjonsprisen “Årets Miljøfyrtårn 2025”. Haaheim fekk desidert flest stemmer av dei fire finalistane, og prisen blei overrekt i dag, onsdag. Dette er ei sterk anerkjenning av det gode arbeidet hotellet gjer for både folk og miljø. 🌿 Hotellet har vore Miljøfyrtårn-sertifisert sidan 2022, og jobbar kvar dag målretta med alt frå matsvinn, energiforbruk og naturmangfald til sosiale tiltak for lokalmiljøet. Gratulerer så mykje til husfar Torstein Hatlevik og heile gjengen på Haaheim – dette er vel fortent! ✨

Laurdag 14. februar, på sjølvaste valentinsdagen, er det drop-in-bryllaup i Tysnes kyrkje. Kjenner du nokon som bør få fingen ut? 💍😜 Tagg i veg! Både potensielle brudepar og godt gifte kan elles merka seg at Haaheim Gaard feirar kjærleiken den aktuelle helga (OG helga før), med tilbod om sju-rettars middag og bobler og sjokolade på rommet. ❤️🍾 Du veit vel at hotellromma har amorøs garanti? 🌹 Sjå nærmare info om drop-in-bryllaup hos Tysneskyrkjelydane (fb eller nettside). #lengelevekjærleiken

Blåtime i Tysnesfjellet. 💙 Her ser me mot vatna som ligg ved Gjerstadstølen. Bårdsund oppe til høgre. ☺️ 📸 Øystein Vaage

Kvitt, kaldt og vakkert. ❄️🧣

Godt nytt år og god helg frå eit snødekt Tysnes. ❄️ Dette nydelege biletet er tatt på Kyrkjefjellet. 😍 📸 Øyvind van der Meeren

Med denne snutten frå peparkakebygda på OnarTun vil me ønska alle ei riktig god jul! ⭐🎄❤️

🎁 Adventskonkurranse 4 av 4 🎁 Avslutta. Me gratulerer Cathrine Standal som vinnar. 😁 Førjulsvekene har som vanleg rast av garde, og no er det tid for den aller siste adventskonkurransen i år. Så då spør me deg: Har du lyst til å vinna eit valfritt dagspass til Tysnesfest 2026? 😎 Slik deltar du: 👉 Skriv «ja takk» i kommentarfeltet. 👉 Følg denne kontoen om du ikkje gjer det frå før. Viss du vil kan du tagga nokon som også bør delta. 💃 Konkurransen går både på Instagram og Facebook, du aukar vinnarsjansane om du deltar begge stader. 🍀 Me trekkjer ein heldig vinnar 2. juledag – lykke til! Tysnesfest treng vel knapt nokon nærmare introduksjon, men har du fått med deg datoane for neste års eventyr? 9.–12. juli brakar det laus på ny! Til no står Bare Andy, Rabo, May og Smokie på plakaten – og mange fleire namn kjem etter kvart! 🤩 🎄 Framleis ikkje i mål med julegåvene? Sjå gode tips på visittysnes.no.

🎁 Adventskonkurranse 3 av 4 🎁 Avslutta. Me gratulerer Janne Lande som vinnar! 😍 Kor herleg hadde det ikkje vore å vinna eit gåvekort på 1000 kroner hos Kines Hudpleie? Det gir me deg moglegheit til denne tredje søndagen i advent. ✨ Slik deltar du: 👉 Skriv «ja takk» i kommentarfeltet. 👉 Følg denne kontoen OG @kines_hudpleie Konkurransen går både på Instagram og Facebook, du aukar vinnarsjansane om du deltar begge stader. 🍀 Me trekkjer ein heldig vinnar laurdag 20. desember – lykke til! Kines Hudpleie er ein moderne hudpleiesalong i Våge som tilbyr ei rekkje ulike velværebehandlingar, mellom anna negledesign, massasje, ansiktsbehandlingar og vippeextensions. 💅💆 Eit gåvekort her kan vera den perfekte julegåva til nokon du vil unna litt luksus i kvardagen. 🥰 🎄 Sjå visittysnes.no for fleire lokale gåveidear.

Helga på Tysnes? Ho blir fin! ⭐️ 🔥 Visste du at E.H. Vaage har dropin-badstove og open landhandel med sal av smørbrød, supper, julekaker og sjokolade både laurdag og søndag? 🎶 På Mandelhuset er det julekonsert med Sigrid Moldestad fredag kveld og lutafiskfest laurdag. Og sjølvsagt open restaurant elles, med mykje godt på menyen. 🎤 Søndag kan du høyra The Voice-stjerna Inger Lise Hope i Tysnes kyrkje. Gåsehud-garanti! 🎅 Helga byr også på julekakesmaking på Haaheim Gaard, nissemarsjar i Lunde og Uggdal og kino for store og små i Grendatun. 🍪 ... Ooog som me nemnde i går har Aarvik gard på Baldersheim eit herleg juleutval av bakevarer i kafeen. Ute kan du få eit glimt av geiter, høner, kaninar, påfugl og meir til. Sjå meir info om alt i kalenderen på visittysnes.no. Me håpar innlegg som dette gjev inspirasjon til å finna på kjekke ting, og ønsker dykk alle ei riktig fin helg når så langt kjem. ❤️☺️

🍞 Baksteglade – kjenn dykkar vitjingstid! No er det berre to opningshelger igjen hos Aarvik gard i år: 📅 Fredag 12. desember og laurdag 13. desember. 📅 Fredag 19. desember og laurdag 20. desember. ☕ I kafeen kan du kjøpa julebrød, lussekattar (komande helg), ulike surdeigsbrød, bollar og knutar, scones, kakemenn, peparkakedeig med spelt og egg frå hønene på garden, kokosmakronar, Sarah Bernhard og andre gode julekjeks. 😋 🥣 Laurdagane byr i tillegg på julegraut med mandel i grauten. 🔥 Den siste laurdagen før jul blir det fyr i bålpanna oppe i klyngetunet. Då kan dei som vil kosa seg med å grilla pinnebrød (så lenge veret tillet det). 🎁 Hugs at det er mogleg å kjøpa gåvekort som kan brukast til kafébesøk, surdeigskurs eller overnatting i 2026. Ei perfekt julegåve til den som har alt. ⏸️ Etter 20. desember er kafeen stengd fram til påske. ❤️ Så, kven vil du ha med deg på ein liten roadtrip til Baldersheim før jul?

🎁 Adventskonkurranse 2 av 4 🎁 Avslutta. Me gratulerer Monica Løvaas som vinnar! 🎊 Så var me allereie komne til 2. søndag i advent, og det betyr ny giveaway med lokale premiar. ✨ Denne gongen kan du vinna alt dette: 🎄 Ein fin pose med juleserviettar, telys og juletrepynt frå Tysnes blomster og interiør. 🧴 Eit kit med hand- og fotpleie frå Annes Klær. ☕ Gåvekort på to koppar valfri kaffi hos Ivyelli. 🍫 Julesjokolade x3 Slik deltar du: 👉 Skriv "ja takk" i kommentarfeltet. 👉 Følg/lik denne sida om du ikkje gjer det frå før. 🍀 Vinnaren blir trekt laurdag 13. desember – lykke til! Hugs at dei lokale butikkane våre står klare med topp service, varme smil og julegåvetips for liten og stor – dei treng berre at me stikk innom. ❤️🛍️ Kvar krone brukt på Tysnes er ei støtte til lokale arbeidsplassar og tilbod me alle ønsker å ha i framtida. God julehandel! ☺️ ✨ Klikk gjerne innom visittysnes.no for fleire lokale julegåvetips. #handlelokalt#tysnes#visittysnes

Kor mange julekonsertar kan ein liten stad som Tysnes få skvist inn i ei og same førjulstid? Svaret: Imponerande mange! 🤩🎶 Frå tilreisande artistar til lokale korps og kor – her er godbitane du kan velja mellom: ⭐ 5. og 6. desember: O helga natt på Haaheim. Klassiske juleperler med sopran Ailie Reid, baryton Torstein Hatlevik og pianist Irene Simonsen. ⭐ 9. desember: Julekonsert i Kulturkyrkja, Onarheim. Her får du servert fine tonar frå Onarheim musikklag, Huglo musikklag og Tysnes kammerkor. ⭐ 12. desember: Sigrid Moldestad, Esbjörn Hazelius og Johan Hedin legg juleturneen innom Mandelhuset. Dei har kalla konserten «Vintersong». ⭐ 14. desember: Fredelig jul med Inger Lise Hope i Tysnes kyrkje. The Voice-stjerna har som alltid med seg dyktige musikarar. ⭐ 18. desember: Tradisjonsrik julekonsert med Tysnes musikklag og Tysnes skulekorps i Tysnes kyrkje. ℹ️ Sjå meir info om alle konsertane i kalenderen på visittysnes.no. Kva konsert(ar) har du tenkt til å få med deg? 😊🎵

Har du laga deg nokon kjekke planar for årets første desemberveke? ✨😊 Dette skjer på Tysnes: 🎶 Onsdag, fredag og laurdag: Julekonsert og trerettars middag for seniorar på Haaheim Gaard – og det for berre 200 kr! 🎼 Obs: Var nesten heilt fullteikna måndag ettermiddag. 🎼 Fredag og laurdag: Julekonsert for alle på Haaheim med Torstein, Ailie og Irene. Femrettars middag etterpå for dei som vil gjera kvelden ekstra spesiell. 😀 ☕ Laurdag: Bygdakafé i Lunde (v. Bunnpris). Sal av kaffi og noko godt å bita i. Hyggegaranti! 🍰 ❄️ Laurdag: Tysnes Vinterbading har samling nr. 2 for sesongen! 🏊‍♂️ Etter badstove og eit hopp (eller tre) i sjøen blir det suppe og drøs på Mandelhuset. Alle er velkomne! 🥣 🍽️ Laurdag: Julebord i Grendatun i regi av Uggdal bygdalag. Påmeldingsfrist i dag – 1. desember! 🎉 🥾 Søndag: Fellestur til Valberg på Onarheim med Tysnes Turlag. Ein nokså kort og bratt tur – med flott utsikt på toppen. 🍰 Søndag: Familiejulebord på Mandelhuset. Varm julebuffet, kaker og dessertar. Nyt ei smakfull førjulsstund med dei du er glad i. 🎅 Du finn meir info om alt i kalenderen på visittysnes.no.

🎁 Adventskonkurranse 1 av 4 🎁 Me gratulerer Ruth Sletteskog som vinnar! Er du ein osteelskar sjølv, eller kjenner du nokon som hadde blitt glad for å få denne flotte gåvepakken? 🧀 I år byr me på fire giveaways i adventstida, og først ut er desse herlege lokalmatskattane frå @myrdalgard. 😍 Slik deltar du: 👉 Skriv "ja takk" i kommentarfeltet, og tagg gjerne nokon du ville ha delt premien med. 👉 Følg denne kontoen om du ikkje gjer det frå før. 🍀 Vinnaren blir trekt laurdag 6. desember – lykke til! Psst! Det er berre å ta kontakt med Myrdal gard dersom du vil gje ein ostepakke i julegåve til nokon. 📞📧 Eller kva med eit gåvekort som kan brukast i restauranten til neste år? 🍕 ✨ Du finn fleire lokale julegåvetips på visittysnes.no.

Framleis sesong for å nyta den fantastiske utsikta frå Hovlandsnuten! @ole.magnus_aasheim, du inspirerer! 😁💪📸

🎁 10 lokale gåvekort-idear 🎁 Kvifor gje folk meir skapfyll når du heller kan gje dei noko fint å gle seg til? ❤️ Eit gåvekort er enkelt for deg å ordna, men av stor verdi for den som får det, og i tillegg er det ei støtte til viktige lokale arbeidsplassar. Vinn-vinn-vinn! 🙌 Her er ei rekkje tips me håpar kan vera til inspirasjon og nytte i ei travel førjulstid: 🎶 Tysnesfest Har du ein tysnesfestar i familien? Gå saman og spleis på eit festivalpass, så er ny sommarmoro sikra i 2026. 🛏️ Haaheim Gaard Overnatting i herskapelege omgivnader, minneverdige måltid, afternoon-tea, konsertar, badstove på E.H. Vaage og mykje meir. 🥩 Garden på Dalland Saka er biff! Eller kanskje pølser? Her får ein kjøpt kvalitetskjøt frå dyr som har levd eit godt liv med mykje utegang.  🍞 Fru Aarvik / Aarvik gard Dei beste bollane og brøda i mils omkrins. Denne sjarmerande garden tilbyr også overnatting. 💆‍♀️ Frisør og hudpleie Fordi den du er glad i fortener å bli skjemd bort og få eit pusterom i kvardagen. Hos Carisma Frisør, Frisøren på Tysnes, Susanna’s frisør der du er og Kines hudpleie er kunden i gode hender.  🧀 Myrdal gard Say cheese! Dette er den perfekte gåva til oste- og pizzaelskaren. Så er det berre å telja ned vekene til sesongopning. 🍽️ Mandelhuset Kven fortener eit godt måltid i ro og mak? Eit gåvekort her kan også brukast på konsertar/arrangement og Tysnes Fyrstove. 🌲 Birdbox Årbakka Kva med å la to slitne småbarnsforeldre få seg eit lite overnattingseventyr (der barnepass inngår i gåva)? Her bur ein komfortabelt - midt i vakker natur. 🛍️ Ein lokal butikk Annes klær, Tysnes blomster og interiør og Ivyelli har alle mykje fint. Mann 40+ som svarar “veit ikkje” eller "ingenting" når du spør kva han ønsker seg kan få gåvekort hos Byggtorget (Andersland Bygg) eller Byggfag Tysnes. 🦚 Myrvold gård  Send ein småbarnsfamilie til den koselege “dyreparken” på Huglo. Dette blir garantert ei populær gåve! PS, gåvekort kan fiksast via mail. Ønsker DU deg noko av dette? Gje eit lite hint til dei rundt deg. 💫😉

Kong Vinter har kome på besøk i Tysnesfjellet og minner oss om at den første vintermånaden nærmar seg med stormskritt. ❄️✨ Me ønsker alle ei god ny veke. 💙 📸 @hannestoresetre

Når @ole.magnus_aasheim tar med seg dronen ut i tysnesnaturen, er det berre for oss andre å nyta magien gjennom skjermen. 😍 Mektig! 👌 Dette er sjølvsagt fossen som ein passerer på veg til Vasstøl, berre få minutt etter at ein har starta å gå frå parkeringsplassen på Skaret. Fin i allslags ver, som du ser! 🌧️

Avslutta konkurranse. Me gratulerer @stinemaries89 som vinnar! 😁 🎉 Vinn gåvekort! 🎉 Me har runda 500 innlegg her på Instagram, og det vil me markera med å gje bort eit gåvekort på 500 kroner til ein av dykk. 🎁 💬 Slik deltek du: Kommenter kva Tysnes-bedrift (butikk, restaurant, frisør, kor som helst) du vil ha gåvekort hos – så er du med i trekninga! 🥰 Vinnaren blir trekt 10. nov. Lykke til!

Og vipps, så var det november. Her på Tysnes startar månaden med mildvêr, men før me veit ordet av det kjem nok det første melisdrysset på Tysnesssåto. 😊❄️ Biletet er teke frå Våge mot Såto eit tidlegare år. 🍂 God helg, alle saman! ❤️ #visittysnes

❤️ Hjertefred Tysnes - søndag 2. november kl. 17.30. ❤️ 🫶 Velkommen til ei open og inkluderande minnemarkering på OnarTun, der det er rom for både tårer, smil og varme. 💌🕊️🕯️ 🎵 Du kan rekna med mykje flott musikk – desse medverkar: Stig van Eijk, Chris Lund, Sandra Linnéa Lindwall, André Eide, Marianne Tvedt, Endre Hodneland, Lola, Bernhard Meyer Auran, Selma Aarvik, Monica Hoff Utne og May Siren Birkeland Holme. 📸 Dei magiske bileta frå tidlegare Hjertefred-arrangert er knipsa av den dyktige lokale fotografen @a.bakke_foto.

⭐ Save the dates 🎄 Julemarknadane på Tysnes er alltid populære – både på grunn av den lune stemninga og det unike utvalet av varer frå lokale og tilreisande utstillarar. 🎁 Me tenkte difor at det kunne vera kjekt å allereie no gi deg ei oversikt over årets arrangement: 🗓️ 15. november: Julemesse i Tinghuset i Uggdal 🗓️ 22. november: Førjulsmesse på Laukhamar Fritid 🗓️ 22. og 23. november: Julesalsmesse i Tveit grendahus 🗓️ 29. november: Julemarknad i Kulturløo på Drange 🗓️ 30. november: Julemarknad på Årbakka Handelsstad Kort sagt: Hald av dei tre siste helgene i november om dette er noko du vil få med deg. 😊 Tidspunkt og fleire detaljar finn du sjølvsagt i kalenderen på visittysnes.no.

Humleviksbrua er ei vakker bogebru bygd i stein i 1903. Den var i bruk fram til 1976, og er i dag å rekna som eit av kulturminna våre. ❤️📖 Det er lett å ta ein kikk på brua - den ligg nemleg like ved fylkesvegen - om lag midt mellom det store drivhuset på Belt og avkøyrsla mot Myrdal. ℹ️ Det er ein liten gruslagd parkeringsplass på staden. 🥾 Herifrå er det forresten fint å gå på tur innover mot Sanddalen. Etter eit par kilometer på traktorveg kan du mellom anna gå vidare mot Hovda (268 moh).

Vekas skjønnaste motiv? 🥹🧡 Det er bra trøkk (og lyd) i dei lokale fossane no, men vesle Frantz sov seg gjennom det heile. Dette er for øvrig fossen ein passerer på veg til Vasstøl - berre få minutt etter ein har byrja å gå frå parkeringsplassen på Skaret. Alltid eit flott syn - enten det er mykje eller lite vatn. 📸 @norwegianadventurers (sjekk gjerne ut kontoen for mykje fin turinspo) ☺️ Me ønsker alle ei god helg!

📣 Ikkje scroll forbi, for dette handlar om BOLLAR! 😋 Her kjem ein liten guide til kor du kan kjøpa søt gjærbakst i ulike, men like farleg gode variantar komande helg: 🧡 Ivyelli i Våge sel lekre, heimelaga bollar frå ca. 10.30 på fredag. Nyt dei gjerne saman med ein kopp varm kakao eller kaffi. 🧡 Aarvik gard på Baldersheim har ope fredag (11-15) og laurdag (10-14), med mange ulike bollar, brød og anna velduftande bakverk - blant anna ein ny marsipanbolle med vaniljekrem og mandelflak. 🧡 Meirbruk i Våge byr på saftige kanelfletter og oktoberbollar med graskar frå ca. 10.00 eller litt før på laurdag. Desse er laga av dyktige Nichole Robles. 🧡 Myrvold gård på Huglo held ope fredag, laurdag og søndag (12.30-16.00 alle dagane). Kafeen har digge bollar både med og utan vaniljefyll – og sjølvsagt mykje anna godt. Du kan takka oss seinare 😉 Men hugs å vera tidleg ute – Bollefatet kan bli tomt lenge før stengetid både her og der. 🕓

Buldo - ein del av krigshistoria 📖 "Godt skjult bak nokre høge grantre ovanom Dalen i Uggdal, på veg mot Ilefjellet, ligg det vesle selet Buldo. Slik var det ikkje under krigen, då var det heilt nake i fjellet og selet var godt synleg. Under krigen låg det stadig motstandsfollk i skjul her oppe, ufatteleg nok utan at korkje tyskerane eller bygdafolk visste noko om det. Attpåtil dreiv dei med våpentrening i det opne lendet og skaut med pistol og stengun. Det var ingen som høyrde det heller. Eller dei som eventuelt merka noko visste å tia stilt." Dette er innleiinga på ein spennande og lærerik artikkel som du kan finna ved å søkja på "Buldo" på lokalhistoriewiki.no. 🤓 Lyst til å gå på tur hit? 🥾 Start frå turparkeringa som ligg rett før Dalen golf. Etter å ha passert golfbane og gardstun følgjer du traktorvegen vidare, og deretter graskledd stølsveg til Buldo (skilta). Turen går i oppoverbakke, men er elles enkel og ganske kort - maks ein halvtime for dei fleste. Gå gjerne vidare til Ilefjellet etterpå. 😊

🔊 Lyd på! No er det brunst-tid hos hjorten, og for bukkane handlar alt om å visa styrke og vinna kollene sin gunst. Dei kraftige brøla kan høyrast på lang avstand, det er ein mektig haustkonsert som garantert gjev inntrykk. Så spiss gjerne øyro litt ekstra neste gong du er på tur! Denne fantastiske videoen er det @eliasjordal som står bak. Takk for lånet! ☺️

Haustvibbar på Myklestad, Uggdal. Bildet er frå eit tidlegare år, men er ganske beskrivande for denne veka, med frost om nettene og sol frå skyfri himmel på dagtid. 🌞 Me er klare for krisp luft og mange fine haustdagar på Tysnes framover, er du? ☺️🍂 📸 Anita Østerbø

🔥 Ei varm anbefaling frå oss 🔥 Sauna har blitt utruleg populært dei siste åra, og det med god grunn: Du kan få betre blodsirkulasjon, styrka immunforsvar, redusert stressnivå og ei herleg kjensle av velvære. 🩱 I Tysnes Fyrstove sit du heilt i sjøkanten i Våge, med berre eit par steg frå damp til dukkert. 💦 Perfekt for vennegjengen, utdrikningslaget, teambuilding eller ein date med kjærasten. Eit godt måltid på Mandelhuset før eller etter sauna-opphaldet gjer dagen komplett. 🍽🍷 Er du klar for ei oppleving som varmar både kropp og sinn? ☺️ Sjekk ut tysnes-fyrstove.com for meir info og booking.

🚗 Du har kanskje køyrt rett forbi – utan å vita det! Like ved fylkesvegen, ikkje langt frå Hodnanes ferjekai, gøymer det seg ei ekte gruve: Svolvelkisgruva i Selvågen. Den ligg berre nokre meter frå vegen, men du ser den ikkje om du ikkje veit kvar du skal sjå. 👀⛏️ Tar du turen hit kan du oppleva ein 140 meter lang gruvegang som på slutten deler seg i to små sidegangar. Ein artig, annleis og heilt gratis ekskursjon for små og store eventyrarar. 🙌 💎 Tips: Vil du gjera turen ekstra spennande for barna? Gøym ein liten skatt inne i gruva – så blir det ekte skattejakt. Kanskje nokre sjokolademyntar i ei eske? 🍫🪙 Hugs elles å ta med: 💦 Støvlar (det kan vera ganske vått på bakken) 🔦 Lommelykt ✨ Ein dose eventyrlyst 👉 Du finn gruveinngangen nær avkøyrsla til Hodnanesvegen 252–254 - på motsett side av vegen. Søk opp Selvåggruva i Google maps for nøyaktig plassering. Tagg gjerne nokon du trur kan ha glede av dette tipset. 😃

Sau, solnedgang, fjell og fjord. 🥹❤️ Det var mange gode grunnar til å velja dette motivet som vinnarbilete i fotokonkurransen vår. 📸 Gratulerer til Tove Merete Hagen som har vunne overnatting for to på Haaheim Gaard. 🎊 Dei andre bileta på vinnarpallen er også utruleg flotte, sveip for å sjå! ▶️▶️ 2. premie går til Anita Østerbø, ho får gåvekort på trerettars middag for to på Mandelhuset. 3. premie går til Johan Christopher Bernhoft, han får gåvekort på 1000 kr hos Carisma Frisør. På Facebook-sida vår finn du eit stort galleri med mange av dei innsende bidraga. Myyyykje fint å kvila augo på! Tusen takk til alle som har deltatt. ☺️

Tenk deg termos, sjokolade og denne heftige utsikta. Kven vil du ha ved di side på Hovlandsnuten (727 moh) i haust? 🍂🥾 📸 Camilla Korsnes

☀️ Ein siste (?) smak av sommar komande helg blir nydeleg å kombinera med ein første smak av @mandelhuset sin haustmeny. 🍁 Kjøkenet lokkar no med både kjøt, fisk og vilt – og ikkje minst søte, perfekte avslutningar som sjokoladefondant og bringebærfromasj. Det blir eit luksusproblem å klara å velja. 😅🍽 Og du, her er forresten tre kjekke ting som skjer på Mandelhuset framover: 🔖 Laurdag 13. september: "Ingen Plan B" – standup med Joakim Olsen og Tjommier 🔖 Laurdag 4. oktober: Standup-show med Magan Gallery og Zacharias Tufte Halkjelsvik 🔖 Fredag 17. oktober: Gin makers dinner med Therese Storebø frå Feddie Ocean Distillery Tips ein ven, kjøp billett og gjer hausten ekstra fargerik. 😎

Fått med deg at Myrdal gard held ope laurdagar og søndagar ut august, og at det er kanonbra vermeldingar for dei neste dagane? 🌞 Det betyr at du framleis har sjansen til å nytta deg av den uslåelege kombinasjonen fjelltur+pizza. 🍕🥾 På Mandelhuset er det burgarhelg, der me får eit gjensyn med den populære "Hegglandsburgeren". 🍔 Resten av menyen er sjølvsagt òg tilgjengeleg. 🚴 Til slutt vil me minna om arrangementet "Tour of Norway for kids" på Onarheim i ettermiddag (fredag) og Tysnes Turlag si kulturvandring ved Kyrkjevatnet på søndag. Meir info finn du på visittysnes.no. God helg frå oss! ❤️

Haaheim Gaard er verkeleg i vinden om dagen. 😍 Ikkje berre er landhandelen deira E.H. Vaage forvandla til filmsett for ein dansk thriller, i dag blei det kjent at hotellet utmerkar seg i ei prestisjefull, internasjonal kåring. 🎊 Haaheim er nemleg finalist i heile to kategoriar under 2025 Historic Hotels Worldwide Annual Awards of Excellence: ⭐️ Sustainability Champion ⭐️ Best Historic Resort Det er 10 finalistar i kvar kategori, og Haaheim er i godt selskap med hotell i mellom anna Canada, Irland, Jamaica og Italia. Det blir spennande å sjå kven som vinn, prisane skal delast ut i Seattle 30. oktober. Me gratulerer husfar Torstein Hatlevik og teamet hans med å vera blant dei utvalde – Haaheim er verkeleg med på å setja Tysnes på verdskartet! 🌍 Vil du ha ein bit av magien? Book ei overnatting og/eller sikra deg billett til eit av dei mange arrangementa som skal vera framover på www.haaheimgaard.no. ☺️

Pakk ikkje vekk SUP-en heilt enno folkens, godveret er tilbake, og det er knapt ein drope å sjå på langtidsvarselet. 😎🌞 Kva med ei utflukt til Teigen (mellom Årbakka og Onarheim)? Området er perfekt for padling, særleg på ein stille dag som denne. ❤️ 🎥 Øystein Vaage #visittysnes#padleparadis

Lyst på ei overnatting litt utanom det vanlege? 😀 Her er tre unike stader som på kvar sin måte byr på noko ekstraordinært, alle med vakker natur rett utanfor døra: 🐦 Birdbox Årbakka For nokre år sidan kom det eksklusive overnattingskonseptet Birdbox til Tysnes og Årbakka. 🛌 Denne komfortable minihytta ligg heilt for seg sjølv eit stykke oppe i lia, med fantastisk utsikt mot Onarheimsfjorden, Ulvanosa, Melderskin og Rosendal. Ta med deg kjærasten eller ein god ven – det er sengeplass til to. Staden er gjestefavoritt på Airbnb, besøkande frå inn- og utland gir denne perla toppscore. ⭐️ 🌊 Vaktmeisterhuset på Solstråleøya I Godøysundet ligg frodige og eventyrlege Solstråleøya, kjent for si mystiske historie og rike planteliv. 🌳 Aust på øya, berre få meter frå sjøen, kan du overnatta i det som tidlegare var Kongen sin vaktmeisterbustad. 👑 Huset har sengeplass til sju. Dette er staden for eit rolegare tempo – med bølgeskvulp som bakgrunnsmusikk og frisk sjøluft inn kjøkenvindauget. Som gjest her kan du låna kano og utforska dei flotte padleområda rundt øya. 🚣‍♀️ 🥾 Skihytta på Ådnastegen I Tysnesfjellet, om lag 1-1,5 time frå allfarveg, kan du leiga ei hytte med enkel standard og stor sjarm. 🥰 Skihytta på idylliske Ådnastegen har to soverom og hems + sovesofa, og av fasilitetar kan me nemna gasskomfyr, solcellepanel, bålpanne og hengekøye. Det er fleire fiskemoglegheiter i området. 🐟 Vatn hentar du frå ei kjelde like ved hytta. Å overnatta her er ei reise tilbake i tid, og garantert ei minnerik oppleving. Nyfiken på å vita meir? Du finn kontaktinfo til dei ulike stadene her på visittysnes.no, under fana "overnatting". ~ 📸 Bildet frå Birdbox Årbakka har me lånt av @amkleppe

Tysnes-sommaren har ikkje stengt dørene heilt enno, men det gjeld å kjenna si vitjingstid. 😊🍽 Kanskje vil du innom favorittplassen din éin gong til før hausten bankar på døra? Her er litt matnyttig info å ta med seg inn i helga og vidare utover månaden: 📌 E.H. Vaage blir snart filmsett, men du har ein siste sjanse til å besøka den gamle landhandelen denne helga. Ope i morgon, laurdag og søndag. Siste opningsdag er dermed 10. august. 📌 Også Galleri Elisabeth G har ope til og med søndag. 📌 Myrdal gard har framleis ope onsdag-søndag. Etter 17. august blir det helgeope ut månaden. 📌 Sommarsesongen på Årbakka Handelsstad varar til og med søndag 17. august. Ope laurdag-søndag. 📌 Mandelhuset har no ope torsdag-søndag. 📌 Flytenaustet/turistinfoen i Våge har ope fredag-søndag. 📌 Aarvik gard på Baldersheim har ope i morgon, laurdag og søndag. Frå neste helg av er det ope fredagar og laurdagar. 📌 Myrvold gård på Huglo har også ope i morgon, laurdag og søndag. Deretter helgeope ut august. Sjå nærmare detaljar på visittysnes.no

Er du blant dei som enno ikkje har besøkt @myrvoldgard på naboøya Huglo? 🐄🦜🐖 Du har framleis sjansen før sommarsesongen er over! 😁 Ope torsdag-søndag kl. 12.30-16.00 denne veka. Deretter helgeope ut august.

Her er ein smakebit på kva du kan finna hos Meirbruk i Våge. 😁 Me snakkar retrofunn, mat frå inn- og utland, suvenirar og mykje meir. Den sjølvbetente butikken er open alle dagar frå 08 til 20. Du låser deg enkelt inn ved hjelp av ein kode som du får på sms. 📲 Kven tar du med deg på skattejakt her? 📽️ Oleh Tyvoniuk

Dette er ditt teikn til å leggja lunsjen eller middagen i @myrdalgard sine hender ein av dei neste dagane. 🍕🧀😋 Ope onsdag-søndag kl. 12.00-18.00 t.o.m 17. august. 🗓️ Deretter ope laurdag-søndag ut august.

Ein liten stemningsrapport frå herlege Aarvik gard, Baldersheim. ❤️ Gard og bakeri i éin og same pakke, kva meir kan ein eigentleg be om? 😊🐐🥐 Opningstider til og med 10. august er onsdag-fredag kl. 10.00-16.00, laurdag kl. 10-15 og søndag kl. 11-15. Frå 22. august er det ope fredagar og laurdagar.

⛵️ Tre perler du kan besøka med båt 🚤 Rundt øya vår finn du tre kvitmåla skattar som byr på kvar sin unike atmosfære, sommaridyll, gode smakar og historisk sus. 😍 Fortøy båten og senk skuldrene på kaikanten – her vil du nok bli ei stund. ⚓ 💙 E.H. Vaage – Uggdal Den gamle landhandelen frå 1902 serverer i år lekre danske smørbrød med både kjøt, fisk og grøne alternativ – alt lagt på heimebaka rugbrød med kjærleik og tradisjon. Kanskje går du for ei rabarbraterte med vaniljekrem til dessert? 🍰 Eit måltid her gjev garantert meirsmak. 💙 Mandelhuset – Våge På denne koselege restauranten kan du velja frå ein variert à la carte-meny. Nyt ein saftig burgar eller skjem deg bort med ein trerettar inspirert av sesongen. 😋🍽 Legg til gjestebrygga og spaser rett til bords – det er god plass både inne og ute. 💙 Årbakka Handelsstad Ein klassisk vestlandsk landhandel frå 1898, lunt plassert ved Onarheimsfjorden. Få med deg kunstutstillingar, smie med kysthistorie og ei krambu som står som for 100 år sidan. Og gå for all del ikkje glipp av dei nydelege årbakkavaflane. 🧇☕ 📅 Sjå opningstider på visittysnes.no

Ein stille og gyllen sommarkveld i Våge gjestehamn. 🥰⛵ Me forstår godt at båtfolket trivst her. ❤️

På Tysnes med barn eller barnebarn i sommar? 👨‍👩‍👦 Her er fem tips til kortreiste, fine opplevingar for heile familien: 📌 Nesse gard Me trur nok det er mange som enno har til gode å utforska denne litt gøymde perla på Neshamn - eit lite kvarter med bil frå Uggdal. 🚗 Visste du at Tysnes sin einaste putballbane ligg her? ⚽️ Her finn du også ein stor leikeskog der dei yngste kan kosa seg med dissing, leikehytte, “Hakkebakkestien” og mykje meir. Kashmirgeitene som beitar i området kan matast etter avtale. 🐐 📌 Aarvik gard på Baldersheim Ein liten halvtimes køyring frå Tysnes ligg Aarvik gard, der bakar Ranjeeta og medhjelparane hennar tryllar fram dei lekraste bollar og brød i kafeen. 🍞😋 Ute er det kjekt for borna å få sjå geiter, minigrisar, påfugl m.m. Garantert ein stad både små og store vil trivast. ❤️ Overnattingsmoglegheiter. 📌 Aktivitetsparken i Uggdal I området ved dagsturhytta “Miklastofa” kan du la borna slå seg laus i ein splitter ny aktivitetspark. 😃 Her er det laga til mange ulike apparat der ein kan utfordra styrke og balanse og ha det gøy i friluft. 🏃‍♀️ Passar for ulike aldersgrupper - heilt gratis å bruka. Ta gjerne med sykkel, det er fine grusvegar i området. 🚴 📌 Myrvold gård på Huglo Ein gratis ferjetur frå Hodnanes, eit par minutts køyring, og vipps så er du på garden som rommar meir enn du kan ana på førehand. 😮 Her er det både vanlege norske husdyr og langt meir eksotiske innslag - alt frå hestar og kyr til skjelpadder og papegøyar. 🐢🐦 Kafeen serverer alltid mykje digg! Overnattingsmoglegheiter. 📌 Onarheimsvatnet Ved Onarheimsvatnet finn du eit fint og innbydande aktivitetsområde som er opparbeidd av Onarheim og Tveit bygdalag i samarbeid med grunneigar. 🚣‍♀️ Området er ope for alle friluftsglade, og for ein snill pris kan du leiga robåt og kano (sjå info på staden). Det er fritt fiske i vatnet, både etter aure og røye, og ynskjer du å setja ut garn, kan dette lånast av grunneigar. 🐟 Her er også benkar, grillar og ein romsleg lavvo med grue. Tagg gjerne nokon du trur kan ha glede av desse tipsa. 🥰

Slik kan ein solnedgang på Tysnes fortona seg. 🥹❤️ Ser du kor me har filma? 📽️ Øystein Vaage

📸 FOTOKONKURRANSE - del dine beste bilete med oss og ver med i trekninga av flotte premiar. 😍 Me tar mange bilete sjølv, men i arbeidet med å fornya fotoarkivet vårt vil me svært gjerne låna DITT blikk på Tysnes også. ❤️ Kanskje sit du inne med blinkskot frå fine stunder på fjorden, turar i skog og mark, dyreliv, magiske solnedgangar, matopplevingar eller noko heilt anna som er med på å visa kvifor Tysnes gjev meirsmak? Leitar du i kamerarullen og finn ein eller fleire biletskattar som du vil dela med oss, kan det henda du får noko kjekt i retur: ✨ Overnatting for to på Haaheim Gaard (1. premie - beste bilete) ✨ Trerettars middag for to på Mandelhuset (2. premie) ✨ Gåvekort på 1000 kr hjå Carisma Frisør (tilfeldig trekning) Slik deltek du: 📬 Send bilete på mail til post@meirsmaktysnes.no (hugs høg oppløysing) 📱 Eller tagg @tysnesgjevmeirsmak i dine innlegg på Instagram. 🗓️ Frist: 31. august 📝 Når du deltek samtykker du til at bileta dine kan brukast vederlagsfritt i marknadsføring av Tysnes som reisemål. Tusen takk på førehand - og lykke til i konkurransen. 😀

Kven utfordrar du til å hoppa frå stupetårnet i OnarHamn? 😎🩳💦 #Onarheim#Tysnes#badeperle#visittysnes

Alle bør ha minst éin tur innom Årbakka Handelsstad i løpet av sommaren. ❤️ Ope laurdagar og søndagar kl. 12-16 t.o.m. 17. august.

Kven vil du gå sherpastien til Tysnessåto med i sommar? 🥾😍

Ein solnedgang på Tysnes kan hjelpa mot så mangt - i alle fall for ei lita stund. ❤️

Sommarparadiset Tysnes! 🌞💚 Her ser me blant anna Gjerstadneset, Gjerstad, Vågsmarka, Vågsneset og Våge. Takk til @vardefilm / @sagaland_studio for nydeleg bilde. 😎🚁

Sjå kor fin den nye aktivitetsparken ved dagsturhytta i Uggdal har blitt! 😃 Tar du turen hit i sommar?

Viss du er tolmodig og stille, kan du få naturopplevingar som dette på Tysnes. 😍 Sjekk det mektige nærmøtet @eliasjordal hadde med ein kronhjort i fjella rundt Solheimsdalen. 📸 "Lite er så spennande som å liggje flatt i lyngen og vente på det perfekte bildet. Bukken kjem beitande, sakte men sikkert nærare. No kan eg høyre pusten hans, og ber i det stille om at han ikkje høyrer hjarteslaga mine." Takk for at me fekk dela! Se oversettelse

Tysnesfest er over, og sommaren på Tysnes glir roleg vidare. ❤️

Sånn går nu dagan på Tysnes. 😎💦🌞 Påleløpet var festleg!

20 magiske augeblikk frå fredag. 🥹❤️ Me lar bileta tala for seg. Blir nesten litt tomme for ord. Dette er TYSNES denne helga! 🔥 Og framleis har du sjansen til å hiva deg med. 📸 Martin Litwicki og Steffen Vidar Jenssen

Stemningsrapport frå hamna fredag. 😍 Høg solfaktor og høg partyfaktor!

Me kan neeesten lova at Tysnesfest 2025 vil bli akkurat som på desse herlege bileta. 🌞 I skrivande stund er det meldt over 20 grader både fredag og laurdag, og torsdagen ser heller ikkje så verst ut. Håpar me ser DEG på festival denne veka! 🤩💃 📷 Steffen Vidar Jenssen og Martin Litwicki

All ære til Elisabeth Godøy som no er inne i sin 27. sesong med sommargalleri i Våge. 😍 Har du sett årets flotte utstilling? Om ikkje har du sjansen fram til 10. august. @gallerielisabethg har ope tysdag-laurdag kl. 11.00-16.00 og søndag kl. 12.00-17.00. Du er hjarteleg velkommen innom for ein hyggeleg kunstprat - og ikkje minst for å la deg begeistra av det som er på veggane. 🎥 Oleh Tyvoniuk

Aldri så gale at det ikkje er godt for noko - mykje nedbør gjev nydelege fossar. 😍 Tar du turen ut i helga? ☔ 💦 1: Fossane ovanfor Skaret 💦 2: Bakkafossen i Lunde

Velkomen til Tveitakjerring – det vesle ysteriet på Tveit. Her lagar Lucianne “berre uvanleg geitost” - med reine råvarer, ein god dose tolmod og mykje personlegdom. 😄🧀🐐 Den tidlegare optikaren frå Nederland har utvikla sine eigne unike oppskrifter, og kvar ost kan med rette kallast eit handverksprodukt. Me vil varmt anbefala deg å kjøpa med deg nokre ureiste matskattar neste gong du er forbi vakre Tveit. Ope alle dagar kl. 10-19. 👌 📽️ Oleh Tyvoniuk

Avslutta konkurranse. Silje Iren Haaland Lid er trekt ut som vinnar, me gratulerer! 🎉 Vinn dagspass til Tysnesfest 🎉 Folkens, no er me inne i veka før den store veka! 😍 La oss korta ned ventetida med ein konkurranse der du kan vinna eit valfritt dagpass som du kan ha glede av sjølv eller gi til nokon som fortener å kosa seg på festival. 💃🕺 Slik deltar du: Fortel oss kva artist du er mest nøgd med at Tysnesfest har booka i år (det er lov å skriva fleire), og hugs å følga oss (TGM) her på Instagram om du ikkje gjer det allereie. Delta gjerne på Facebook også for eit ekstra lodd i trekninga. 💌 Me trekker ein heldig vinnar søndag 6. juli. ℹ️ Alt du treng vita om årets festival finn du på www.tysnesfest.no. ⚠️ Ver obs på eventuelle svindelforsøk. Me vil aldri be deg klikka på ei lenkje og oppgje kredittopplysningar eller liknande. 📸 Martin Litwicki og Steffen Vidar Jenssen

Nyheit på nettsida! ℹ️ Lurer du på kva tid du kan ta deg ein is i Flytenaustet, eta pizza i Myrdal eller besøka ein gamal handelsstad? På visittysnes.no gir me deg no ei samla oversikt over opningstider hos dei lokale serveringsstadene og attraksjonane. Dermed blir det endå enklare for deg å nyta alt det gode tysnessommaren har å by på. 😊🍽

Det er i motbakke det går oppover! Har du fått med deg at det i år blir arrangert trappeløp før såtekonserten under Tysnesfest? 🏃 I tillegg er det tradisjonen tru “Blåbærhaugen opp” den siste søndagen i juli. 😊 🏅 Såto opp 🏅 SvingenPuls, Venelaget Tysnessåta og Tysnesfest kickstartar festivalen med løp og konsert torsdag 10. juli. Alle som kjem seg opp dei 1000 trappetrinna, den 2 kilometer lange trasèen og dei 500 høgdemetra frå start i Myrdal til mål på såtetoppen er sikra ein fantastisk premie i form av konsert med Jo Nesbø. Løpet passar både mosjonistar, familiar, ungdommar og proffe. Sjå meir info hos SvingenPuls. 🏅 Blåbærhaugen opp 🏅 Det tradisjonsrike motbakkeløpet på Onarheim blir arrangert for 13. gong 27. juli. Start er ved Alsaker Brygge. Mosjonsklassen startar først og heiar konkurranseklassen i mål, 297 meter over havet. Premiering og bevertning på toppen. Arrangør er Onarheim IL, sjå nærmare info hos dei. Kven utfordrar du til å delta? 😎

Sommartider, hej hej, sommartider! 😍 Song du det inni deg? Det er i alle fall musikk i våre øyre at dei lokale serveringsstadene no har utvida opningstidene for sesongen: 📌 Myrdal gard har ope onsdag-søndag kl. 12.00-18.00. 📌 Aarvik gard på Baldersheim har ope onsdag-fredag kl. 10.00-16.00, laurdag kl. 10.00-15.00 og søndag kl. 11.00-15.00. 📌 Mandelhuset har ope alle dagar kl. 12.00-21.00 (kjøkenet). Baren er open til midnatt torsdag-fredag og 02.00 laurdag. 📌 E. H. Vaage har ope torsdag-søndag kl. 12.00-16.00. 📌 Haaheim Gaard har som alltid ope for lunsj og middag v. førehandsbestilling. I juli blir det drop-in-lunsj alle dagar kl. 12.00-15.00. 📌 Flytenaustet/turistinfoen har ope tysdag-torsdag kl. 10.00-18.00 og fredag til søndag kl. 10.00-20.00. 📸 På bildet: Bakar Ranjeeta hentar godsaker i åkeren på Aarvik gard.